Orbital

Review of Dual Painted Tunes Serration by Orbital.com.hk – 2015.07.20

Dual Painted Tunes Serration

喂喂喂，唔好亂先，咩又百事又可樂呀？哦！原來係想襯番今次做評測嘅耳機，這隻叫 Dual Painted Tunes Serration 的耳機主色為紅色同黑色，同去年風行一 時的「紅黑紅紅黑」歌詞真係夾到絕！講番 Dual 這隻牌子，如果讀者有睇番 C.K. 以前嘅評測都知道這次係第三次幫 Dual 測試其下的耳機，之前的 Dual Painted Tunes 2 同埋 Dual Painted Tunes BT 都試過，了解到 Dual 這個品牌歷史都算悠久，有80年之多，早在德國建立的黑膠碟機品牌，在這十多年內在個人音響－耳機方面落了不少功夫，由一間知名度不算低的品牌設計出的產品在某方面必定有它的優點才能夠突出產品的個性，而 Dual 先前已提及過它從德國到韓國，從黑膠到耳機，它的優點不是在於聲音的質素，而是產品設計上的要求。可能您會諗，聲唔好就唔好做評測啦，如果您係咁諗，有兩點可以去解釋點解評測唔一定需要靚聲都可以做⋯⋯

立即踏上音色軌跡閱讀全文>>

Dual 香港零售商：

亦軒耳機音樂世界 (www.mingo-hmw.com)
廣匯通訊 (https://zh-hk.facebook.com/multilink.hk)
Nobletime AV & Telecom (www.nobletimehk.com)
Cosmic Technology (https://zh-hk.facebook.com/CosmicTechnology)
通天城 (www.gbl.hk)
壹店通電訊 (新界粉嶺名都商場L2, 1C號鋪)
電訊通 (新界粉嶺名都商場L2, 59號鋪)
一圖 (九龍觀塘開源道68號觀塘廣場130鋪)
高圖 (九龍觀塘開源道68號觀塘廣場152鋪)
天隆電訊有限公司 (九龍油麻地吳松街98D地下)
通天下 (九龍觀塘開源道68號觀塘廣場M樓23號鋪)
正源電訊 (九龍旺角亞皆老街83號先達廣場2/F, S79)
華域電訊 (九龍紅磡馬頭圍道37-39號紅磡廣場1/F，17A鋪)

Review of Dual Painted Tunes BT by Orbital.com.hk – 2015.01.27

20150123_1624532

Dual Painted Tunes BT 韓風「平文」On-Ear

今次被邀試多隻德國牌子 Dual 嘅耳筒 Dual Painted Tunes BT。喂，話明係德國品牌咁我又做咩標題寫住韓風呢？其實係因為原來 Dual 在韓國都有銷售市場，加上這個 On-Ear 設計風格偏向簡單樸素路線，所以帶有點「韓氣」。至於又點解叫做「平文」呢？售價大約$600算唔算平民就見仁見智，不過我所講嘅意思係「平面文化」，俗稱「平文」。「平面文化」緣於網頁設計上的專稱，在蘋果公司推出 iOS 7起亦逐漸將介面設計成平面化，時至今日的 iOS 8亦在不斷改良。「平面文化」將在往後日子成為軟硬件設計上的趨勢，原因其實好直接，就是簡單易用，在硬件身上顯得更輕巧方便。在耳機市場上包含很多類型的用家，有些以產品音質為主去選擇，有些則以產品外型設計為主，而 Dual Painted Tunes BT 就正是為追求時尚輕便的用家而生。

當我接過盒 Dual Painted Tunes BT 時我又忍唔住同我朋友講：「Dual啲盒駛唔駛咁型呀？」，相信見到幅圖嘅讀者如果有番啲童年回憶都會覺得個封面公仔好熟口面，無錯，就係勁似以前隻勁酸檸檬糖包裝袋個公仔！又一個精美嘅鋁合金盒，又可以用黎裝野。一打開個盒，見到隻耳筒，真係俾佢個平面化設計吸引，因為小編最鍾意啲簡單易用而且性價比高嘅Gadget。攞上手感覺比想像中更輕身，戴上去試試感覺同其他大筒型的有很大的分別，以前未試過有 On-Ear 可以輕到咁。唔好睇 Dual Painted Tunes BT 咁簡單, 其實這隻耳筒能屈能伸, 耳筒臂位附有伸縮功能, 小編咁大個頭都輕易戴到, 另外亦可以將臂位屈起方便用家收藏。 因 Dual Painted Tunes BT 主打年輕人路線，所以顏色上亦提供最易配搭服飾的黑白，另外亦有紅色，岩晒至愛顏色夠Sharp嘅用家。

基於 Dual Painted Tunes BT 係藍牙 On-Ear，音質上必定有所限制，而我亦以一個普通入門用家身分去測試，外型算是唔錯，至於音質又如何呢？小編今次使用LG G2 Android手機連接隻BT，連接上相當簡單，開啟藍牙後便隨即在手機中出現BT的訊號，一按便可連接。基於係藍牙操作而且設計較簡約，內裡所使用的零件和抗操配置上亦相對較少，導至在使用時抗操上稍微欠佳，話雖如此這隻耳筒支援APT-X技術，所以音質上有一定的保證。對小編來說，整體音質平均，高至低平平穩穩，在音質上不算突出，不過Dual嘅產品一向都係以設計及舒適度方面落功夫，追求新潮獨特品味的年輕一代不妨考慮。

Review of HRT microStreamer by Orbital.com.hk – 2015.01.22

HRT-microstreamer-1

HRT microStreamer 至「小」還有你！？

終於有新牌子試, HRT這個名字可能在好多人眼中感覺陌生。HRT 全名 High Resolution Technology , 公司處於美國南加洲, 聽個名話明係高清就知唔差得去邊, 近期在音響界由 Sony 帶起 High Res 這個 Keyword , 小編都唔執輸扮下 High Res 人先。 HRT 主要出產 DAC , 咩叫 DAC ? 可能有好多入門玩家都唔知, DAC 中文係解碼器, 其實好多時啲 device output 出來的都係叫 Digital Signal, 而 DAC 就係將 Digital Signal 轉化成 Analog Signal , 而當中原因同好處在這裡有詳細解釋。

傳統的 DAC 大部分體積上都有番咁上下, 咁當然越大部嘅裏面做嘅分析同解碼就做得更仔細, 但價錢亦隨之而上升。近年 DAC 市場漸趨熱鬧, 越來越多品牌都加入研發些便攜式的 DAC , 方便用家提升出街時的聽歌質素。HRT 作為 DAC 嘅生產商, 當然亦不甘示弱在便攜市場佔一席位。

聲云認為便攜 DAC 最重要有兩點, 輕便同性價比夠高。而今次試玩第一擊嘅 HRT microstreamer 又點呢？小編一接過盒 microstreamer 真係俾佢個 size 嚇親, 因為佢個大小同火柴盒差唔多, 開箱攞上手重量又同盒火柴一樣咁輕盈, 即時個感覺係帶出街用絕對無問題。開箱睇睇先, 隨左隻 DAC 外, 亦附送一個保存袋同兩條線, 一條係 USB-to-miniUSB 線, 另一條係 miniUSB-to-miniUSB , 前者讓用家連接電腦試用, 而後者就係讓用家連接 Android 手機使用。 iPhone 嘅用家亦可連接 microstreamer , 但需要另行購買一條 lightening-to-miniUSB 線。設計上 HRT microstreamer 介面簡潔, 整部 DAC 只得三個插頭和四盞訊號燈, 插頭分別係一個 miniUSB input 以及一個喇叭 output 同耳機 output 。訊號燈主要為用家識別播放歌曲的頻率, 方便用分辨歌曲應有的質素以作比較。

睇開聲云都知小編嘅試聲 Partner 係 Westone 嘅 4R , 小編分別用左 Macbook Air 同 LG G2 試音。音質方便在連接電腦同手機嘅情況下都明顯改善了不少, 最喜出望外嘅係解碼後嘅人聲, 輸出有明顯的分別, 高中低音層次分得更仔細, 背景音樂和人聲亦分隔得跟清晰。小編認為此 DAC 對入門玩家來說性價比極高, 而且便攜度亦非常高, 輕巧細小外 microstreamer 亦是前級供電的, 即是由電腦或手機供電, 所以真係可以去到邊用到邊。不過要用家要留意, 雖然隨機附送一條對應 Android 手機嘅線, 但經小編測試過幾部手機後, 發現當中有少量型號 microstreamer 並不兼容, 不過發行商有留意這個問題, 暫時解決方法是用家需要安裝某個手機音樂程式, 安裝後使用 microstreamer 嘅問題便得以解決。

HRT 香港零售商：
亦軒耳機音樂世界 (www.mingo-hmw.com)
Nobletime AV & Telecom (www.nobletimehk.com)
Cosmic Technology (https://zh-hk.facebook.com/CosmicTechnology)
通天城 (www.gbl.hk)
華仁影音 (http://www.ccav.hk)

Review of Dual Painted Tunes 2 Orange by Orbital.com.hk – 2015.01.19

Dual-Painted-Tunes-2-3-860x1024

Dual Painted Tunes 2 橙迷必備入耳

小編聲云平日隨身攜帶嘅試音伙伴係Westone嘅4R, 今日有位朋友介紹我試下隻 Dual Painted Tunes 2, 佢知我係橙色愛好者, 基本上身邊咩都係橙色為主, 我鍾意橙色原因好簡單, 就係夠sharp夠醒神。

有玩開耳機嘅朋友都知兩款耳機都唔係同一檔次, 基本上係西柚同橙嘅比較。 不過點都好想試試, 一來朋友介紹到, 而且自己玩得多4R都想知道自己聽野去到幾”奄尖”。盒 Dual Painted Tunes 2 一入手, 睇個盒平平無奇, 但一打開個盒真係俾佢個設計嚇親, 眼前見到嘅係一條耳機線同一枝油彩!!!??? 心諗點解盒耳機裡面會有枝油, 哦！再望真啲原來係用黎裝住條線嘅耳線套, 方便用家行街時攜帶。

講講個設計先, 成隻耳機款式主打藝術品味, 由耳機線到耳線套都以畫畫為中心去設計, 時尚得黎帶點潮流特色, 跟其他品牌耳機設計上較創新, 所有配件都以橙色為主, 真係夠晒醒神, 岩晒我心意, 戴住係街都幾引人注目, hehehe。開箱後除左係鐵盒內搵到耳機同埋耳線套外, 還可以搵到附送的不同大小耳膠同埋耳線索帶, 作用是吸在手機上從而固定耳線, 用家可以將耳機線固定在手機上, 頗方便的設計!!

好啦終於到重點啦, 再重申多次我唔會同其他耳機比較。用左首Maroon 5嘅Lucky Strike同王菲嘅愛與痛的邊緣嘅Wav試, 前者主要試Bass, 後者主要試人聲, 聽Lucky Strike時 Dual Painted Tunes 2 俾我嘅感覺係Bass仍算夠出, 不過可以做得更好, 背景樂器與歌手聲音層次分明度可以接受, 鼓聲若然更實成件事會更佳。到第二首歌, 王菲相信聽過嘅朋友都會同意聽王菲係聽聲, 試過後感覺層次上鮮明度唔太到位, 阿菲把聲未完全突出到, 不過啲音色在這個價黎講做到圓滑感都算唔錯, 二百幾買到這個質素都無野可以挑剔吧!

結論係如果您係入門玩家, 對音質要求唔太高, 而且想要啲外型較特別, 與眾不同的耳機, 可以考慮這款產品。若果您係鍾情於橙色又或者您係個藝術家或藝術愛好者, 我相信您必定會見到這隻 Dual Painted Tunes 而心動。